សម្តេចកិត្តិព្រឹទ្ធបណ្ឌិត ធ្វើដំណើរតាមរ៉ឺម៉កកង់បី សួរសុខទុក្ខអ្នកភូមិ នៅឃុំកោះឧកញ៉ាតី

យោងតាមហ្វេសបុកផេករបស់លោកផែង វណ្ណៈ បានបង្ហោះមុននេះឲ្យដឹងថា៖ នៅល្ងាចថ្ងៃសៅរ៍ ១២កើត ខែមាឃ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី១៦ ខែកុម្ភះ ឆ្នាំ២០១៩ នេះក៏ជាថ្ងៃសំរាកចុងសបា្តហ៍ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ស្ត្រីទី១នៃកម្ពុជា និងជាប្រធានកាកបាទក្រហមកម្ពជា អមដំណើរដោយលោកជំទាវជាភរិយាឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី នៃរាជរដ្ឋាភិបាលកម្ពុជា បានអញ្ជើញធ្វើដំណើរតាមនាវាទេចរណ៍ ទស្សនាតាមដងទន្លេសាប ទន្លេមេគង្គ និងទៅកាន់រមណីដ្ឋានចំការស្នេហ៍ ស្ថិតនៅឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ។

ក្នុងឱកាសនោះដែរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក៏បានអញ្ជើញតម្បាញ ហូល ផាមួង និងកន្សែងផងដែរ នៅតាមផ្លូវក្នុងភូមិដែលធ្វើដំណើរតាមរឺម៉ូតូ សម្តេចកិត្តិព្រឹទ្ធបណ្ឌិត និងប្រតិភូអមដំណើរ ត្រូវបាន​ប្រជាពលរដ្ឋស្វាគមន៍ និងថតរូបអនុស្សវរីយ៍ដោយក្តីសប្បាយរីករាយ ។